Why and how the text could be Bavarian

[nablator]

No way to cipher the Latin in the Breslau Pharmacopoeia?

Centauree
suco adiecto melle inunge oculos. aciem exacuit et
sanat. Item recipe manipulum centauree. et in
uino madebis. et tunc adiecto melle per diem coque.
et ieiunus bibat. Item qui cum apertis oculis non
uident. Serpillum. id est ueltkunel in aqua coque.
et ex ipso oculos assidue laua. Item fel galli mixtum
cum fauo mellis clarificat oculos. probatum est.
Vt pili in oculis non crescant. Primo tolles pilos.
et statim impones illud medicamen sucum edere.
et sucum radicis raphani equis ponderibus. permisces.
et sublatis pilis inpones. Item canitio lacte tanges
et non cresent. Item ypocras dicit. sangwisugas
septem in olla rudi combures. et cinerem earum
ad lenitatem teres. et sublatis pilis pones
ad oculos. Cui oculi dolent. acetum et pulegium
simul coque in uase cupreo adcremtum usque dum
tercia pars remaneat. et cum penna oculos unge.
Item ad caliginem oculorum antiqum feniculum
et rose similiter rute. et mel_atritum. id est humeln
honic. et fel wulturum uteris. Ne tibi oculi doleant.
Quando prima hyrundinem uideris hoc dic ter.
Rogo te hyrundo ut hoc anno oculi mei non lippeant
nec doleant. Item ad uitia uel percussuram
oculorum. Quinque folium tundas cum anxungia
ueteri sine sale et imponas. Item ad caliginem
oculorum rore caulium laua. Item sucum feniculi.
mel estiuale. sanguinem columbinum. hec equa
mensura misces. et cetera albo oui superlinies.